Este proxecto nace após da experiencia docente tanto en centros públicos como na ensinanza non reglada das materias do mundo clásico. A importancia destas nos institutos de educación secundaria está, pouco a pouco, a perder a súa relevancia, sexa polo xugo da administración sexa polo avance dun mundo acelerado e dixital ao que pouco ou nada lle serven os coñecementos humanísticos. 

O obxectivo desta páxina web é a creación dun repositorio dixital ao que o alumnado galego poida acceder para dar resposta ás súas dúbidas. Xa son moitas as ocasións nas que a ausencia de profesorado interino ou substituto, unida á reducida oferta de prazas para o corpo de profesores da Xunta de Galicia, provoca que haxa grupos 'orfos' sen docencia ou guía de ningún tipo ante a inminencia das PAU. Consideramos, polo tanto, necesaria a existencia dun apoio dixitalizado, universal e democrático para tratar de solucionar estas eivas administrativas e procurar que o estudantado non se vexa perxudicado por cuestións burocráticas. 

Amáis disto, o proxecto avoga pola dixitalización dos materiais e, en concreto, pola creación dixital en lingua galega. Os materiais aquí expostos son de acceso totalmente libre. Avisamos tamén de que é posible que haxa erros nos materiais, os cales poden ser subsanados se se contacta co servizo técnico da páxina (eu mesma).